Pơ ala kơ khua git gai Ping gah, Kơnuk kơna, Kơ-iăng Khua git gai pơ ala mơnuih ƀôn sang dêh čar ơi Trần Quang Phương tơña bla, pơsur pran jua mơnuih apăn bruă khul mut phung, mơnuih amăng khul, mơnuih mă bruă kơ sang bruă, biă ñu mơnuih amăng khul, mơnuih mă bruă kơ sang bruă hmâo tơlơi hơdip mơda tơnap tap, hmâo tơlơi truh lơm mă bruă, tơlơi ruă huĭ rơhyưt, mơnuih ƀu hmâo anih kơnang amăng mơnuih mơnam.

Kơ-iăng Khua git gai pơ ala mơnuih ƀôn sang dêh čar hrŏm hăng grŭp hyu mă bruă hmâo ƀơk laih 300 anung gơnam Tết truh mơnuih amăng khul, mơnuih mă bruă hmâo tơlơi hơdip tơnap. Kơ-iăng Khua git gai pơ ala mơnuih ƀôn sang dêh čar rơkâo gưl ping gah, gong gai hơdôm gưl đing nao pơđĭ kyar bơwih ƀong, hơkrŭ đĭ bruă pơgang lŏn ia, rơnuk rơnua plơi pla nao hrŏm hăng pơđĭ dlông tơlơi hơdip mơda gơnam tam, pran jua mơnuih ƀôn sang djop djuai ania ƀơi tơring čar, ngă tui klă hloh dong hơdră bruă gum djru hơđong tơlơi hơdip mơda mơnuih mơnam, hrŏ trun ƀun rin kơjăp. Amăng hrơi anai mơn, Grŭp hyu mă bruă hmâo nao čuă, brơi gơnam tam kơ mơnuih apăn bruă tơhan, ling tơhan Pơgang guai dêh čar Ia Rvê, Grŭp bơwih ƀong khul ling tơhan pơgang guai dêh čar mrô 737, mơnuih apăn bruă, tha plơi hăng sang anô̆ gah hơdră bruă, čơđai sang hră hmâo tơlơi hơdip tơnap amăng tơring glông Ea Sup./.