Ƀộ Kwang àng pà càr Gia Lai 231 tơmàn đong, sơmbăt tê bal tơn jơh hìu ing, hìu ồm sèt ñhăt dà mìu
Thứ tư, 13:48, 26/02/2025
Cau mblàng Ndong Brawl/VOV
Cau mblàng Ndong Brawl/VOV
VOV4.K'Ho- Ngai òr (25/02), Kwang àng càr Gia Lai bơyai dơ̆ sơn đờm mŭt lơh, jào pà hìu mờ jào priă bơh Ƀộ Kwang àng dê dong kờl tàm broă lơh tus bal tơn jơh hìu ing, hìu ồm sèt ñhăt dà mìu tàm càr in.
ăt Ƀộ Kwang àng jào pà càr Gia Lai in 231 tơmàn đong - do là priă geh kwang bàng, cau ling bơh Ƀộ kwang àng tă pơgồp, nàng tus bal mờ càr lơh jăt broă lơh do.
Đơs tàm dơ̆ sồr lơh tàm pơrjum, Trung tướng ồng Phạm Thế Tùng đơs Ƀộ Kwang àng hơ lơh broă bal mờ càr Gia Lai tàm broă tơn jơh hìu sèt, hìu ồm ñhăt dà mìu, gàr niam nàng làng bol in geh hìu ơm lơngăp lơngai, kơ̆ kơl jăp. Ồng đơs tai, mờ nùs nhơm geh kơnòl uă ngan, mpồl kwang àng pơn jăt tai lam lài tàm broă hòi jà tă priă, lơh mhar broă lơh hìu mờ lơh niam wơl hìu ơm, mờ gàr niam lơngăp lơngai tàm broă lơh jăt broă lơh. Jăt broă rơndăp geh ai, càr Gia Lai kờp dŭ tơn jơh 8 rơbô 485 nơm hìu tàm broă lơh “Tus bal tơn jơh hìu sèt, hìu ồm ñhăt dà mìu” tàm nam 2025.
Viết bình luận