Jăt mờ hơ̆, kờp dŭ tơnơ̆ mờ tŭ tơrgùm bal càr mờ càr Bình Định, càr Gia Lai kờñ geh di pơgăp 1 rơbô nơm hìu ơm lơh kơnòl broă dà lơgar, ờ hềt kờp mpồl Đảng mờ Mpồl duh broă làng bol. Tŭ do, càr Gia Lai mìng geh 1 ròt hìu ơm lơh kơnòl broă dà lơgar tàm ƀòn dờng Pleiku, lơh bơh nam 2005 mờ 12 jơdŭ ơm, tàm hơ̆ geh 6 jơdŭ gam ờ geh cau ơm.

Broă kờñ lơh kờp dŭ geh: 3 nơm hìu kwơ̆, 509 nơm hìu rềp bal mờ di pơgăp 500 nơm hìu ơm lơh kơnòl broă dà lơgar. Sờh Bơ̆t bơtàu dan tam gơl Adăt Hìu ơm nàng rề ơnàng cau geh ơpah hìu ơm lơh kơnòl broă dà lơgar, tàm hơ̆ geh bal kwang bàng ờ gơwèt mpồl ntrờn mơya pal ntrờn hìu ơm. Jăt rơndăp broă tơrgùm bal, geh di pơgăp 2 rơbô nă kwang bàng rơ̆p ntrờn tus anih lơh broă sră nggal pa tàm Quy Nhơn, den tàng, lơh gơs broă dong kờl hìu ơm lơh kơnòl broă dà lơgar là jơnau kờñ pal geh lơh. Jăt rơndăp broă tơrgùm bal càr, càr Gia Lai rơ̆p geh mờr 2 rơbô nă kwang bàng, kông cứk, viên cứk ntrờn tus anih lơh broă sră nggal pa tàm ƀòn dờng Quy Nhơn, càr Bình Định nàng lơh broă.