Tàm ală nam do, kwang bàng mờ cau ling sền gàr tiah nhàr lơgar càr Kon Tum neh geh uă broă lơh tơrlòng lài geh cồng nha dong làng bol bơtàu tơngguh broă lơh broă sa bơtàu tơngguh lơh sa hìu bơnhă. Bơh bồ nam 2025 tus tŭ do tàm jơh gùt gơl gùng tiah nhàr lơgar jòng rlau 292 kơi sồ rềp nhàr bal mờ lơgar bơyô Lào mờ Campuchia, kwang bàng, cau ling sền gàr tiah nhàr lơgar càr Kon Tum gam sơm băt bal tai tê pơgồp bal pràn tơn jơh hìu ing dong làng bol ang nùs ơm kis.

Ờ mìng tă pơgồp dà kơlhề bơta pràn bal mờ gơnoar ătbồ ƀòn lơgar gờñ lơh sir broă jàu tơn jơh hìu ing, hìu ồm sèt ñhăt dà mìu, kwang bàng, cau ling sền gàr tiah nhàr lơgar gam jơh nùs dong kờl ală hìu làng bol lơh geh ală hìu mờ priă uă rlau mờ priă Dà lơgar dê dong kờl. Mùl màl, là hòi tơrgùm bơta tă pơgồp priă jền bơh kwang bàng, cau ling, ală mpồl lơh sa kă bro, ală cau geh nùs nhơm niam tă pơgồp, lơh bè lơi tơl nơm hìu geh priă bơh 85 tus 90 tơlak đong rlau hơđang.