Quôk hội ring bal Adat Rơndăp Cíñ phủ (tam gơl) geh lơh jat ngan ngồn bơh ngai 01 nhai 03
Thứ tư, 06:00, 19/02/2025 Cau mblàng K’Hạnh/VOV Cau mblàng K’Hạnh/VOV
VOV4.K’Ho- Drim òr (18/02), mờ 463 tàm 465 nă cau ala mat Quôk hội lĭp ring bal (geh 96,86% kờp jơh khà cau ala mat Quôk hội dê), Quôk hội neh ring bal Adat Rơndăp Cíñ phủ (tam gơl).

Adat geh 5 tăp, 32 bơta, rơ̆p lơh jat ngan ngồn bơh ngai 1/03 do. Sền jơnau yal mblàng lơh loh iăt kơno, Kwang bàng Anih duh broă Lơh kơnòl broă sùm Quôk hội ồng Hoàng Thanh Tùng pà gĭt, tơnơ̆ tŭ iăt kơno jơnau đơs bơh ală cau ala mat Quôk hội dê bè gàr niam bơta ring bal bơh jơnau rcang cih Adat mờ ală adat boh lam mờ gàr niam broă tam pà kấp, tam pà gơnoar pal pơgồp bal mờ gròi sền gơnăp gơnoar mờ sơmờm gơnoar, Anih duh broă neh bơtơl bàr pe gùng dà, broă lơh pa tàm jơnau rcang cih.

Jat ồng Hoàng Thanh Tùng, ală gùng dà, broă lơh pa đơs geh bơtơl nàng kờñ tam gơl pràn broă lơh tàm pà gơnăp gơnoar, tam pà kấp, dờp gơnoar nàng lơh jat gùng dà broă lơh bơh Đảng dê bè lơh pràn tam pà kấp, tàm pà gơnoar, sơlơ tơnguh tai kơnòl bơh cau lam bồ dê. Bơdìh mờ hơ̆ lơh jat bơta rcang lài, bơceh lơh, khin cha kơlôi, khin cha lơh, khin cha kong kơnòl bơh ală anih lơh broă tàm mpồl broă Dà lơgar dê, di tŭ tă bơsong ală bơta gơkòl bè gùng dà, bè sră nggal gơnoar atbồ, lơh geh bơta pràn ai bơtàu tơnguh in, rcang lài kơryan pleh mờ ală tam gơl nhơm trồ tiah bơh bơta tàm lơgar mờ ală lơgar dê, tài jơnau kờñ gơguh lơh sa, bơtàu tơnguh bal bơh Dà lơgar, mơkung gàr niam bơta dồ ròt bal mờ tơngume iăt kơno, tam gơl niam tàm jơnau rcang cih Adat Rơndăp gơnoar atbồ ƀòn lơgar (tam gơl).

Cau mblàng K’Hạnh/VOV

Viết bình luận

TIN CÙNG CHUYÊN MỤC