Tơn jơh hìu sèt tàm tiah nhàr lơgar càr Kon Tum, Mpồl ling sền gàr tiah nhàr lơgar pơgồp bal bơta pràn lơh hìu geh uă priă rơlao
Thứ ba, 14:12, 18/02/2025 Cau mblàng Ndong Brawl/VOV Tây Nguyên Cau mblàng Ndong Brawl/VOV Tây Nguyên
VOV4.K'Ho- Mpồl ling sền gàr tiah nhàr lơgar càr Kon Tum gam lơh ngan hòi jà uă bơta pràn nàng dong kờl tai priă bal mờ ngai lơh nàng làng bol lơh geh ală hìu dờng niam, kơl jăp rơlao tàm tiah nhàr lơgar.

Lơh jăt jơnau sồr bơh Cíñ phủ dê bè broă dong kờl hìu rơƀah, hìu pa lik klàs rơƀah tơn jơh hìu sèt, hìu ồm ñhăt dà mìu, cau ling sền gàr tiah nhàr lơgar càr Kon Tum gam pơgồp bal bơta pràn nàng bal mờ gơnoar atbồ mờ ală mpồl lơh broă tàm càr do dong kờl làng bol lơh ală hìu mờ khà priă uă rơlao mờ khà priă dong kờl nàng geh hìu ơm kơl jăp mờ niam rơlao tàm tiah nhàr lơgar.

Tàm 13 sàh tiah nhàr lơgar gơwèt 4 kơnhoàl Đăk Glei, Ngọc Hồi, Sa Thầy mờ Ia H’Drai, càr Kon Tum geh 145 nơm hìu sèt, hìu ồm ñhăt dà mìu bơh làng bol dê pal geh lơh pa mờ lơh niam wơl. Đại tá Lê Minh Chính, Cíñ ủy Mpồl ling sền gàr tiah nhàr lơgar càr Kon Tum pà git, bal mờ bơnah dà lơgar dong kờl 60 tơlăk đong tàm 1 hìu lơh pa mờ 30 tơlăk đong tàm 1 hìu lơh niam wơl hìu yau, mpồl ling sền gàr tiah nhàr lơgar càr Kon Tum gam lơh ngan hòi jà uă bơta pràn nàng dong kờl tai priă bal mờ ngai lơh nàng làng bol lơh geh ală hìu dờng niam, kơl jăp rơlao tàm tiah nhàr lơgar.

Cau mblàng Ndong Brawl/VOV Tây Nguyên

Viết bình luận

TIN CÙNG CHUYÊN MỤC