Tàm hơ̆, lơh pa 2 rơbô 220 nơm hìu mờ lơh niam wơl 520 nơm hìu dong làng bol bè ờs wơl rài kis ơm kis lơngăp lơngai mờ lơh broă kơ̆ kơl jăp. Tàm tŭ lơh jat, Kon Tum neh hòi jà tă pơgồp ală priă jền mờr 200 tơmàn đong, tàm hơ̆ priă hòi jà tă pơgồp mpồl bơtiàn lơh bal rlau 102 tơmàn đong, Ƀộ Kwang àng dong kờl 84 tơmàn đong mờ làng bol tă pơgồp mờr 50 tơmàn đong bal mờ rlau 180 rơbô ngai lơh broă.

Gơnoar atbồ ală kấp tàm càr kung geh uă tă pơgồp bơsong kal ke mờ nùs nhơm “Cau lơi geh bơta lơi dong kờl bơta hơ̆, cau lơi geh dà kơl hề dong kờl mờ dà kơl gề, cau lơi geh phan bơna dong kờl mờ phan bơna, cau lơi geh dồ ềt, dong kờl dồ ết, cau lơi geh uă dong kờl uă”. Di dơ̆ do, Anih duh broă Làng bol càr Kon Tum pà Bằng khen 21 mpồl cau mờ 32 nă cau dồ nă să geh cồng nha jak ngan tàm lơh jat Srơh tàm pơrlòng “Tàm sơm bat tê bal tơn jơh hìu lơh ing, hìu ồm sèt nhăt dà mìu”.