Jờng rơ ală cồng nha neh lơh geh bè:khà gơguh GDP geh 7,09%; broă lơh sa – mpồl bơtiàn bơtàu tơnguh wơl niam ngan, lơh geh jơh 15 broă jàu tờm ngan; roh giă priă geh sền gròi; lơh sa mờ măi mok, kă bro phan, broă drơng ala, lòt nhơl gơguh niam ngan; lơngăp lơngai rài kis mpồl bơtiàn, bơta lơngăp lơngai, ring lơngai làng bol geh gàr niam…

Bulah bè hơ̆, ală cau ala mat kung đơs ală bơta lòng, kal ke nàng lơh gơs jơnau kờñ gơguh GDP nam 2025 lơh geh bơh 8% rlau hơđang mờ gơguh 2 nơm sồ tàm ală nam pơn jat tai. Kung tàm drim ngai 17/6, mờ uă ngan cau ala mat tus bal pờ tê ring bal, Quôk hội neh ring bal jơnau lơh nền tàm pơrjum bè tơrmù dia VAT ngui gơ wèt mờ ală mpồl phan bơna, broă drơng ala gam kong dia 10% bơh ngai 01/7/2025 tus jơh ngai 31/12/2026. Mờ jơnau lơh nền tàm pơrjum pa geh Quôk hội ring bal, uă mpồl phan rơp geh tơrmù 2% dia gơguh tai (VAT) tus jơh nam 2026.