Boh bơr bè jơnau kờñ, nùs nhơm kơlôi sơnơng bal mờ ờ uă gùng dà broă lơh mhar bơtàu tơnguh dà lơgar tàm tơngai tŭ do, Tổng Ƀí thư ồng Tô Lâm đơs nền tàm tơngai do, he neh ring bal bè nùs nhơm kơlôi sơnơng rài pa, rài bơtàu tơnguh pas gơs pràn kơl dang dà lơgar dê bơh Pơrjum dơ̆ XIV.

Kờñ lơh geh ală jơnau kờñ do den pal geh khà gơguh GDP 2 sồ pơn jăt sùm tàm uă nam. Tổng Ƀí thư đơs loh: Ală kwang bàng tàm mpồl rơcăng mŭt tàm Mpồl duh broă Đảng dà lơgar ndrờm là mpồl kwang bàng rơcang lài kâp dờng Đảng dê, là ală kwang bàng kơnòm să, cau rơ̆p dờp kơnòl broă dờng ngan dà lơgar dê tàm ală nam tus, tàm tơngai kwơ màng bơh jơnau kah yau bơtàu tơnguh jơi bơtiàn dê. Tổng Ƀí thư sồr: Ală kwang bàng tàm mpồl rơcăng mŭt tàm Mpồl duh broă Đảng Dà lơgar gŏ loh jơnau pơnyờ să mờ kơnòl bơh să tờm dê nàng sùm lơh ngan bơsram, pơnđơl pràn, brồ guh lơh geh jơnau sồr kơnòl broă dê tàm tơngai tus.