Rơh thi năm aơ, n’gor Đăk Nông geh 21 ntŭk, 344 jrô thi. Ta ôi nar naơ, geh 4 kon hoc geh vơt tât ntŭk thi yor geh nău prah tâm tom ndeh n’hanh geh ji kop. Tâm nĕ, 3 kon hoc geh tâm tom ndeh ta năp nar thi ta nkuăl Dak Mil da dê. Ăp kon hoc aơ geh mpôl công an mă tât ntŭk thi. Du hê kon hoc ta ntŭk thi ngih nti THPT Hùng Vương, xã Quảng Phú, nkuăl Krông Nô geh nău ji duh rtoh lam săk ta năp nar thi geh an thi êng ta ntŭk râng thi. Ôi nar naơ, 7577 kon hoc ta Dak Nông râng thi môn Ngữ Văn, Môn thi bôk năp lĕ geh lôch ueh đăp mpăn. Đề thi môn Ngữ văn geh âk kon hoc mbơh lah tâm di, mbra dơi geh điểm âk.