Kêng măng ntri (28/6), ta Nhih pah kan kruanh dak, Kruanh dak Tô Lâm wơt Đại sứ Colombia Miguel Angel Rodriguez Melo n’hanh Đại sứ Panama Eligio Alberto Salas tât ntĭnh sĭt, dŭt jêh năm pah kan ta Việt Nam. 

Wơt Đại sứ Đại sứ Colombia Miguel Angel Rodriguez Melo, Kruanh dak lah rjăp Việt Nam rnê âk nău khlay kan, ntŭk gŭ kan têh khlay bah Colombia ta nkual Mỹ Latinh n’hanh an gĭt Việt Nam ŭch tĭng âk trong hăn  tât đăp mpăn ta Colombia, ŭch rŏng hun hao tâm boh lam lĕ rngôch, lĕ mpeh chính trị-tâm boh, wăng sa- tăch rgâl n’hanh tâm boh ntĭm nti, tâm nđŭr ƀon lan, yor nău geh an ƀon lan bar dak, rgop tâm nău đăp mpăn, hun hao ta bar nkual. Wơt Đại sứ Panama, Eligio Alberto Salas, Kruanh dak Tô Lâm rnê  âk ăp nău rgop bah Đại sứ tâm nău ntrŭt ntrôl tâm boh bar ding tâm năm kan bah he ma trong tâm khâl ăp gưl, tâm rsong tăch rgâl, ƀư ăp nău kan nkơnh n’hơ văn hóa. Kruanh dak ŭch rŏng hun hao lơn đŏng n’hanh n’hao nău dơi tam tâm boh âk ntil đah bar dak, lĕ mpeh chính trị-tâm boh- wăng sa- tăch rgâl, nchuăn rdeng trong dak lêng, prăk kaih ngân hàng, tâm nđŭr ƀon lan, yor ma nău geh bah ƀon lan bar dak, rgop tâm nău đăp mpăn, hun hao ta bar nkual.