Ta rơh tât khâl ngăn ngên dak Hàn Quốc rơh aơ, nchrăp Thủ tướng Chính phủ Phạm Minh Chính mbra geh rlău 30 nău pah kan.

Rlău ma ăp bôk nău kan ngăn ngên đah nuĭh leo kan gâl têh Hàn Quốc, Thủ tướng Chính Phủ Phạm Minh Chính mbra râng n’hanh ntoh ngơi ta 3 ntŭk tâm nchră, geh rơh tâm nchră doanh nghiệp, rơh tâm mâp mbơh tơih pâl nđaih n’hanh tâm kơl văn hóa, rơh tâm mâp pah kan Việt Nam - Hàn Quốc, n’hanh 2 nău tâm nchră, geh Tâm nchră đah nuĭh leo kan ăp ntŭk kan wăng sa Hàn Quốc n’hanh tâm nchră đah ăp nuĭh kan gĭt blău, khoa học Hàn Quốc mpeh bán dẫn n’hanh nău mĭn gĭt blău. Thủ tướng lĕ geh ăp rơh tâm mâp vơt ndơn kan nuĭh leo kan du đê̆ Tập đoàn wăng sa bôk năp Hàn Quốc dôl ntuh kơl ta Việt Nam.