Ôi nđaơ 1/7, ta nkual ƀon têh Buôn Ma Thuột (n’gor Dak lak), N’gâng kan Công an ƀư “Mbơh rmôt râng mât rnă njrăng, đăp mpăn ta bah dâng”. Dak Lak lah ngoăy tâm 12 n’gor, nkual ƀon têh, dơi N’gâng kan Công an săch lah ntŭk ƀư mbơh lor bah lam dak. Ta n’gor Dak Lak geh rlău 9.000 rmôt nuĭh ƀon lan râng rmôt mât rnă njrăng, đăp mpăn ta bah dâng bah lơ 1/7.

Râng ƀư mbơh rmôt râng mât rnă njrăng ta ntŭk ta n’gor Dak Lak, Trung tướng Lê Quốc Hùng-Groi Kruanh N’gâng kan Công an lah rjăp nău khlay bah ntŭk kan têh Dak Lak-Tây Nguyên n’hanh nău khlay bah nău kan đăp mpăn rnă njrăng ta ntŭk, rgop ndâk njêng nâp nâl mpeh rnă njrăng ƀon lan, lam ƀon lan ntrong leo “Lam ƀon lan mât rnă njrăng neh dak”. Groi Kruanh N’gâng kan Công an Lê Quốc Hùng lah rjăp du đêt nău kan khlay đah rmôt đăp mpăn rnă njrăng ta ntŭk n’hanh ăp gưl nău kan ta n’gor Dak Lak.