![VOV Tây Nguyên/Nuĭh rblang: Y Sưng Phê Ja](/themes/custom/vov_4/images/avatar.png)
Kêng măng 4/7, Kruanh dak Tô Lâm lĕ wơt Đại sứ New Zealand ta Việt Nam Caroline Beresford mbah rhơn. Kruanh dak nkoch nău rhơn ta năp ăp njoat hun hao têh dăng bah tâm boh Kan ndrel têh hvi Việt Nam-New Zealand năm bah năp. Kruanh dak uănh lah prêh kan ndrel rjăp tâm nău mât njrăng bri dak-rnă njrăng đah 2 dak, tâm nsing nơm ndrel; rnê ăp nău hao kan ndrel wăng sa-tăch rgâl; lah uĕh New Zealand ntop kơl ntĭm nti nău ngơi Anh n’hanh ăp nău way kan an cán bộ gưl Trung ương n’hanh n’gor bah Việt Nam.
![Kruanh dak Tô Lâm wơt Đại sứ New Zealand ta Việt Nam](https://vov4-media.solidtech.vn/sites/default/files/styles/large/public/2024-07/chu_tich_nuoc_to_lam_tiep_dai_su_new_zealand_tai_viet_nam_caroline_beresford_20240704175214_3.jpg)
Kruanh dak đă đŏng Chính phủ New Zealand nta nơih tay an nsum mpôl nuĭh Việt nti, gŭ rêh ta New Zealand. Đại sứ Caroline Beresford nkoch nău răm rhơn dơn nău kan ta Việt Nam. Đại sứ tâm ban ŭch an lah, năm 2025 lah di an 2 dak n’hao n’hanh ƀư jru lơn tay tâm boh Việt Nam - New Zealand.
Viết bình luận