Nău nchrăp kan ntuh kơl rdâk njêng tach ndeh păr Quảng Trị geh Thủ tướng Chính phủ an dŏng nău ntuh kơl rdâk njêng tĭng trong kan nsum .

Nău kan geh hvi rlău 265ha, lĕ rnoh prăk ntuh kơl ƀư 5.800 rmen prăk, tâm di đah nău ŭch sŏk dŏng tât 5 rkeh năch/năm n’hanh 25.500 tấn drăp ndơ/năm. Nchrăp tât khay 7/2026, nău nchrăp kan mbra geh ndơ̆ lăp sŏk dŏng. Ntoh ngơi ta rơh ntơm ƀư, groi Thủ tướng Chính Phủ Lê Thành Long lah na nê̆, tach ndeh păr Quảng Trị lĕ geh Thủ tướng chính phủ nchrăp kan lah 1 tâm 30 tach ndeh păr bâh lam dak geh mât uănh, ntuh kơl ta năp năm 2030, n’gâng kan mât uănh ntung trong ăp n’gâng kan ntŭk kan geh mât kơl tay, kơl an tay n’hanh geh nău dơn kan doh rklaih ngăch ndăn ăp nău kan n’hanh doh rklaih ăp nău jêr, kŏ văk tâm rnôk mbơh tơih rdâk ƀư nău kan.