Rơh rƀŭn nchră geh tâm rgop trực tuyến đah 4 gâl kan bâh ntŭk kan chính phủ tât ăp n’gâng kan, ntŭk kan ăp n’gor, nkuăl ƀon têh bâh Trung ương mât uănh, ăp ntŭk ta gâl nkuăl, gâl xã. Lôch geh djăt ăp nău tâm rgop, nău nglôch lôch rơh rƀŭn nchră Thủ tướng Phạm Minh Chính lah na nê̆ nău mĭn ntĭm leo lah kanŭng tâm nchră ƀư mô geh rlăch, nkre ƀư nkre rhoăt nău tă kan mô di gay ma rgâl an ƀư âk lơn, mô ƀư ndăn mô ƀư an geh an lôch, mô lah mô, mô lah jêr, mô lah geh ma mô ƀư. Mpeh nkô̆ mpŏng ŭch kan Thủ tướng lah na nê̆, ăp nuĭh kan Việt Nam nđâp ma ăp nuĭh ê hŏ geh thẻ Bảo hiểm y tế lĕ geh mât dŏng săm ƀŭt săk soan điện tử ta ndơ dŏng VneID. Tât bôk năm 2025, lĕ rngôch ntŭk kan dak si nđâp ma ngih dak mât uănh n’hanh kan êng n’hanh geh 40 rkeh nuĭh ƀon lan dŏng sƀ mât uănh săk soan điện tử n’hanh lĕ rngôch nuĭh ƀon lan geh nău ŭch pă phiếu lý lịch tư pháp bâgh VneID.