Kơp tât lĕ khay 9, sŏk prăk ngân sách bah n’gor Dak Lak hŏ geh 90% trong nchrăp năm 2024, hao 12% rđĭl đah ndrel khay dja năm bah năp  nơh. Tĭng nê, 9 khay aơ, lĕ rngôch rnoh nsĭt geh prăk ngân sách ta Dak Lak geh 6.200 rmen prăk,  tât bơi 90% trong nchrăp Trung ương jao, hao rlău 12% rđĭl đah ndrel khay dja năm 2023. Êng rnoh sŏk soăy n’hanh prăk rngleh tă bah n’gâng kan sŏk soăy ƀư geh 94% trong nchrăp dơi jao.

Du đêt rnoh sŏk geh âk rđĭl đah ndrel khay dja năm bah năp nơh: prăk manh neh, prăk mât njrăng ntŭk gŭ rêh, sŏk geh bah dih ngih dak, bah doanh nghiệp geh tơm prăk ntuh kơl dak bah dih. Wa Phạm Thanh Long, Groi Cục trưởng Cục Thuế n’gor Dak Lak an gĭt, gay dơi geh dja, nhih pah kan hŏ an ƀư ăp kôp, lĕ n’hâm suan ăp trong mât dŏng tơm sŏk, njrăng bah roh huach, ntrŭt ntrôl sŏk mplơ̆ rnon. Nkre âk ntil trong ƀư sŏk nkoch trêng trong kơl, pháp luật sŏk soăy mhe; dŏng công nghệ thông tin, ntrôl ngăch rgâl dơh glêh siƀŭt, rgâl mbrô.