Cà phê lah tơm tăm geh rnoh âk tâm nău kan tuch tăm bâh n’gor Dak Nông. Aƀaơ n’gor geh rlău 142 rbăn ha cà phê, rnoh geh rlău 360 rbăn tấn, dâk tal 3 ta lam dak. Ăp năm ba năp, âk doanh nghiệp, hợp tác xã, rmôt kan ndrel n’hanh ƀon lan kan lŏ mir ta Dak Nông lĕ geh uănh khlăy ntuh kơl, dŏng khoa học kĩ thuật ta nău pah kan jan sa, jêng nău geh nău ueh cà phê dôl geh n’hao. N’gor lĕ geh rlău 23 rbăn ha cà phê pah kan tĭng nău mpong kơp dơn bâh ngih dak n’hanh lam ntur neh, đah âk nău pah kan cà phê nâp nâl tĭng rnoh khlăy. Ngăn lah 2 năm dăch aơ, Dăk Nông lĕ geh njêng 54 rmôt pah kan ntrŭt nsôr tuch tăm ntŭk rêh jêng, ƀư tĭng mbơh nău, kơl an ƀon lan, hợp tác xã dŏng nău pah kan mât đăp mpăn tâm di ueh, đăp mpăn ndơ ngêt sông.