Lơ 28/10, ta nkuăl ƀon têh Đà Lạt, n’gor Lâm Đồng, Ntŭk kan ntrŭt nsôr nau kan tuch tăm neh dak (N’gâng kan tuch tăm ndrel hun hao ƀon lan) ƀư tâm nchră nau dôl dŏng dak si ndrel ăp ntrong kan rklaih rgum ndŏk tâm rnôk tăm mât chăm cà phê. Rơh tâm nchră kơp năl, ăp năm êp aơ, nau kan dĭng dạ si mât chăm tơm tăm, nkhĭt ndrŭng, nkhĭt pih tâm rnôk mât chăm cà phê lơn ma âk, lơh khuch tât dak, n’hâm soan ƀon lan. Tĭng rnoh kơp bah N’gâng kan mât njrăng tơm tăm, rnoh dak si ndrŭng dŏng tâm tơm cà phê nklăp 5 lít/ha ndrel 60% nŭih ƀon lan dôl dŏng âk ir rnoh dak si nkhĭt ndrŭng.

Êng năm 2023, rnoh dŭng, dĭng dak si tâm nau kan mât chăm cà phê lah 2.150 tấn. Tâm nchră dŏng âk mông, nkah tât nau đă mbơh ndrel ƀư rjăp nau rgum lơi ndŏk ndrel dĭng, dŭng dak si tâm rnôk mât chăm tơm tăm cà phê mô êng lah nau bah ƀon lan kan lŏ mir ma nê lah nau kan bah lam ƀon lan, tâm nê âk ngăn lah bah ntŭk tăch, bah rmôt ƀư nau kan ndrel ntŭk kan Chính phủ geh tât nau aơ./.