Đại hội ntoh măt Mặt trận Tổ quốc Việt Nam nkuăl ƀon têh Hồ Chí Minh tal XII, năm kan 2024-2029 hŏ ntơm ƀư ôi 2/10, ta Ngih rƀŭn nkuăl ƀon têh. Đah nkô̆ "Ƀư ueh n'hâm dăng tâm rnglăp ăp rnoi, n’hao nau ƀư tơm, tâm rlong ndâk njêng ndrel hun hao nkuăl ƀon têh Hồ Chí Minh ueh, nâp, tâm kơl"” Đại hội rnôk aơ mra mbơh nau tă geh ƀư bah nau ntrŭnh Đại hội ntoh măt nkuăl ƀon têh tal XII, năm kan 2024-2029;

Nchră ăp nau dơi, nau ê dơi, tă bah nê rhuăt luh ăp nau tă geh, nchrăp luh nkô̆ nau, nau kan tơm, ăp nau kan bah Mặt trận Tổ quốc nkuăl ƀon têh năm kan 2024-2029. Bah nê ƀư ueh nau dơi, nau dăng bah Mặt trận Tổ quốc tâm nau rgum âk kơn ƀon lan, n’hao n'hâm lăp bah ăp nau kan tâm rlong đah nau rgŏ jă, ƀư ƀon lan ƀư tơm, ƀư uănh, mbơh nkoch, râng ndâk njêng Đảng, ndâk njêng n'gâng kan kloh, nâp; ƀư ueh n'hâm dăng tâm rnglăp lam rnoi tâm nau ndâk, hun hao nkuăl ƀon têh./.