Ôi ntri (4/10), ta Nhih pah kan Chính phủ, Rnâng kan Chính phủ mâp măt ntơh măt doanh nhân, nkhêp geh nar Doanh nhân Việt Nam (13/10) ta nâm nău ƀư tơm bah Thủ tướng Chính phủ Phạm Minh Chính. Lah ta rơh mâp măt, Thủ tướng Phạm Minh Chính lah rjăp, aơ lah rnôk gay ndrel nkah gĭt, mpư rnê ăp doanh nghiệp, doanh nhân hŏ rgop dŭt khlay tâm n’gâng kan cách mạng bah neh dak.

Thủ tướng mpŏng lah rơh mâp măt dja mbra dơi djăt dŭt âk nău rgop lĕ nuih n’hâm, nău dơn kan, sŏng dăng n’hanh di  ngăn bah ăp nuĭh ntơh măt gay Chính phủ, Thủ tướng Chính phủ geh tay ntŭk nsing rdâk njêng n’hanh n’gluh an dŏng tơm ndơ, nta trong an dŭt uĕh gay ăp doanh nghiệp Việt Nam hun hao đăt ndal, rmôt doanh nhân Việt Nam têh dăng, rgop âk lơn đŏng tâm n’gâng kan rdâk njêng n’hanh mât njrăng neh dak Việt Nam xã hội chủ nghĩa. Nuĭh n’hâm lah “ndrel ƀư, ndrel dơi, ndrel dŏng n’hanh ndrel hun hao; ndrel nău rhơn, răm mƀak n’hanh nău n’hao êng săk”.