Ôi 3/10, Groi Thủ tướng rnâng kan Nguyễn Hòa Bình râng rƀŭn nchră ntrŭt ngăch ntuh kơl ta n’gor Bến Tre, đah bôk nău “Bến Tre-Uănh mpeh Đông n’hanh nău geh hun hao nâp nâl”. Ta rƀŭn nchră ntrŭt ngăch ntuh kơl rơh aơ, n’gor Bến Tre kuăl jă 32 nău nchrăp ƀư ntuh kơl ta ăp ntil nău: công nghiệp, ndâk ƀư ngih wâl n’hanh tăch rgâl ngih wâl ăp nkual, rkum công nghiệp, pring xăng, gas, pâl nđaih, lŏ mir-thôn ƀon, ntŭk ntô gŭ âm, ndrâm dak lêng, nkual ƀon têh, ntŭk ƀon lan gŭ.

Ntoh ngơi ta rƀŭn nchră, Groi Thủ tướng rnâng kan Chính phủ Nguyễn Hòa Bình uănh lah prêh ăp nău nsrôih bah Đảng bộ, n’gâng kan ƀon lan tâm trong kan wăch rgum ntuh kơl năm bah năp. Tĭng Groi Thủ tướng năm tât, Bến Tre an groi nđôi nău ntrŭnh, nău kơl, pháp luật bah Đảng, Ngih dak; hăn ndrel đah ƀư tĭng ăp Nghị quyết bah Trung ương, Đảng bộ n’gor; ƀư tĭng săk rnglăy Dăp rgum, đăp mpăn lĕ rngôch, tâm di đah dăp rgum lĕ rngôch lam dak, dăp rgum nkual, dăp rgum nău kan. Rgŏ jă dŭt n’hâm n’hanh dŏng săk rnglăy ăp prăk an ntuh kơl, hun hao wăng sa-rêh jêng.