Đah nkô̆: “Tâm rnglăp, geh nău tâm ban, rgâl mhe, n’hanh hun hao”, Đại hội đại biểu lam dak Mặt trận Tổ quốc Việt Nam tâl 10, năm kan 2024 - 2029 mbra ƀư ntơm bah nar 16-18/10 ta Thủ đô Hà Nội. Aơ lah nău lư ta rơh hop báo tă bah Mặt trận Tổ quốc Việt Nam ƀư ôi 4/10.

Văn kiện Đại hội đại biểu lam dak Mặt trận Tổ quốc Việt Nam tâl 10 dơi rdâk njêng nsing tĭng nău grêt dêh ăp trong nchrăp mhe bah Đảng, n’glôch jêh, uănh năl di na nê̆ nô nău pah kan Mặt trận bah tâm dâng, sŏk nău rgop lam hvi ăp n’gâng kan, ăp nhih pah kan lăp nsum n’hanh ăp rơh kơn ƀon lan n’hanh geh ăp ntŭk mhe ntoh. Mpeh Đề án nuĭh kan hao rblang dăn Đại hội, nchrăp rnoh âk Ủy viên Ủy ban Trung ương Mặt trận Tổ quốc Việt Nam khóa X lah: 405 nuĭh (hao 20 nuĭh rđĭl đah khóa IX). Tâm nê, plơ̆ rlong tay lah 249 nuĭh (rnoh âk 61,5%), mhe lah 156 nuĭh (rnoh âk 38,5%). Đại hội rgâl nkra, kơi ntop Điều lệ Mặt trận Tổ quốc Việt Nam, tâm nê geh ƀư kloh nău dơn kan, n’glĕ nău dơi kan bah Mpôl Kruanh mpeh rgŏ jă ăp rơh rgŏ jă, ăp trong leo ƀư tâm rlong rŏng dak geh nău têh hvi lam ƀon lan, lam lĕ rngôch./.