Jêh 2 nar mbơh Bôk nău kan chính luận âk ntil trong, âk ntil rup đah bôk nău “Việt Nam-Rach năm hao êng nơm”, ôi 4/10, ta Hà Nội, Ủy viên Trung ương Đảng, Tổng Giám đốc Radio nău ngơi Việt Nam Đỗ Tiến Sỹ lĕ uănh nđôi nău mbơh ƀư trong bôk nău kan aơ ta âk ntŭk kan bah Radio, geh: Ban Thời sự (VOV1), Ban Đối ngoại (VOV5), Báo Điện tử VOV.vn, Radio ntuh rup Kỹ thuật số (VTC), Kênh Truyền hình VOVTV, Kênh VOV giao thông n’hanh Báo Tiếng nói Việt Nam.

Ta nar uănh nđôi, ntrŭt đă, Tổng Giám đốc Radiop Nău ngơi Việt Nam-Đỗ Tiến Sỹ nkoch kloh: trong bôk nău kan aơ geh nkô̆ khlay ngăn ngên nkah gĭt 55 năm ƀư tĭng Di chúc (nău ntĭnh) bah Kruanh Hồ Chí Minh, rƀŏng tât mbah rhơn Đại hội Đảng lam dak rơh tal 14, rƀŏng tât nkah gĭt 40 năm ƀư tĭng trong kan rgâl mhe neh dak n’hanh bôk nău rach năm hao êng nơm bah rnoi nuĭh. Nău Radio Nău ngơi Việt Nam ơm mbơh Bôk nău chính luận âk ntil trong mbơh, âk ntil rup “Việt Nam-Rach năm hao êng nơm” nău nsrôih bah Radio hăn ndrel đah trong nchrŏng hun hao bah Đảng n’hanh Chính phủ.