Ôi 2/10 (tĭng mông ta ntŭk), lôch dơi wơt ngăn ta Nhih pah kan Tổng thống, Tổng Bí thư, Kruanh dak Tô Lâm n’hanh Tổng thống Ireland hŏ ndrel ƀư tơm tâm nchră đah Mpôl đại biểu gưl têh bar dak. Ta tâm nchră, Tổng thống Ireland lah rjăp uănh khlay ntŭk gŭ kan têh khlay bah Việt Nam ta nkual châu Á-Thái Bình Dương; lah rjăp bar dak geh âk nău tâm ban tâm rlăch ndăng nsĭt đăp mpăn n’hanh mô geh du trong kan, nkô̆ bôk ma bar ding mô dơi tâm ôp, tâm boh.

Tâm rnôk tâm trôm tâm nchră, bar ding hŏ tâm ôp jru mpeh nkô̆ nău rnă njrăng tâm nkual ndrel uănh khlay kơt nô nău Ukraine, Trung Đông, kuăl jă ăp ding mât njrăng ƀon lan ngăn, ƀư tâm dâl nău, nkra bah tâm lơh ma ăp trong đăp mpăn nsing ta luật pháp dak bah dih n’hanh ăp nău way tơm bah Hiến chương Liên hợp quốc; lơn lah n’hao dăng tâm boh ta ăp rgum nchră âk ding kơt ASEAN-EU, Liên hợp quốc ta âk trong kan.