Đah nau nchrăp ƀư kan “Druh ndăm Kon Tum leo trong lor-janh nau kan-tâm rnglăp-blau nau mhe-hun hao”, tâm 2 nar lơ 3-4/10 ta nkuăl ƀon têh Kon Tum geh ƀư Đại hội rmôt druh ndăm Việt Nam n’gor Kon Tum gưl VIII, năm kan 2024-2029. Râng Đại hội geh 245 ntoh măt ân rlau 77 rbăn nŭih tâm lam n’gor. Ƀư tĭng nuih n’hâm leo trong, kơl an bah mom ndăm, năm kan rlau aơ druh ndăm Kon Tum nkah ăp nau kan ueh tâm âk nau, rgop nau ndâk njêng n’gor Kon Tum nar lơn đăp mpăn ndrel hun hao.

Năm kan mhe 2024-2029, rmôt kan druh ndăm n’gor Kon Tum uănh năl geh đê̆ ngăn 25 nau kan kơl an druh ndăm rnoi mpôl đê̆ mât, ƀư ueh nau vay ơm bah rnoi nơm; 350 rbăn nŭih, druh ndăm râng ăp nau kan kơl an yor ăp gưl kan hội ƀư...Đại hội druh ndăm Việt Nam n’gor Kon Tum gưl VIII, năm 2024-2029 tâm nchră tâm ban nau săch Uỷ ban gưl kan mhe geh 35 nŭih, tâm nchră săch yuh Y Việt Sa, Groi Bí thư Đoàn n’gor ƀư Kruanh rmôt druh ndăm Việt Nam n’gor Kon Tum gưl VIII, năm 2024-2029./.