Thủ tướng kơp dơn, rnê n’hanh rhơn ăp nău dơi geh khlăy ma Đảng bộ, n’gâng kan, tahen n’hanh ƀon lan n’gor Hưng Yên lĕ dơi geh tâm ba năp nơh.

Thủ tướng lĕ nchŏng na nê̆ mpeh nău kan bâh nău nchrăp kan tâm nău mpŏng kan sŏk dŏng, dŏng geh săk rnglăy nău kan, nkre lah nchŏng đă ndơ̆ mbơh nău ŭch, nău mĭn, nău kan tơm khlăy bâh nău nchrăp kan. Đah nkô̆ ŭch nchrăp kan lah tât năm 2030, jêng n’gor công nghiệp ueh mhe, geh nău kan têh mpeh wăng sa n’hanh nău dơi hun hao tâm rmôt leo kan bâh lam dak. tât năm 2050 jêng nkuăl ƀon têh bâh trung uơng mât uănh, nkuăl ƀon têh ueh mhe, têh ndrŏng, sâm geh. Ƀư tĭng ueh nău mpŏng hun hao ăp n’gâng kan, rgum hun hao công nghệ, công nghiepej mhe, công nghệ mbrô, điện, ŭnh nar, cơ khí, nkra njêng, nkret ƀư ndơ sông sa, ndơ dak si. Mpeh tuch tăm, hun hao tĭng trong ueh mhe, công nghệ mhe, nâp nâl, jêng ueh.