Nar 5/7, Ban chấp hành Đảng bộ n’gor Gia Lai ƀư tâm nchră tâl 16 (pơk hvi). Nău lư ta tâm nchră an saơ, rnoh âk geh n’gluh tơm prăk ntuh kơl ta n’gor geh đêt, mhe geh 22,4% n’hanh dôl mâp âk jêr jŏt. Năm aơ, n’gor Gia Lai dơi jao rlău 4.300 rmen prăk ntuh kơl n’hanh rnoh jao ngăn hŏ bơi 3.800 rmen prăk. Yơn lah, rnoh âk geh n’gluh tơm prăk ntuh kơl bah n’gor 22,4% dơm.
Êng 3 bôk nău kan gưl neh dak mpeh rdâk njêng ƀon lan mhe, hŭch ach o n’hanh hun hao wăng sa rnoi mpôl đê̆, geh ntơm bah 15% tât 23%. Tĭng ăp nuĭh râng tâm nchră, dăp rgum dŏng neh ta n’gor mô hŏ dơi rgâl di, lah nkô̆ jêng tât mbrơi n’gluh tơm prăk ntuh kơl. Aƀaơ ăp trong nchrăp kan têh khlay bah n’gor kơt trong ƀư soih aih trong wăng sa mpeh luh nar, ăp trong nchrăp ƀư dak bât, tât pă ntŭk ƀon lan gŭ nkual rnoi mpôl đê̆ mbrơi da dê tă bah nkô̆ nău dja. Bah meng nê, tơm prăk dŏng neh dŭt đêt rđĭl đah trong nchrăp lah nkô̆ geh âk đŏng. Âk ntŭk ƀư dŏng tơm prăk dja dơi ƀư dơi tât rnoh ngăch yach kan, mô lah hŏ lôch jêh, hôm mô geh tơm prăk gay trok đŏng.
Viết bình luận