Ôi nđaơ (4/7), ta Ngih Quốc hội, Kruanh Quốc hội Trần Thanh Mẫn wơt Mpôl đại biểu rmôt bu ur doanh nhân Lào n’hanh Campuchia nkhêp di râng Rƀŭn nchră boăt nthoi n’hanh tâm nđŭr bu ur doanh nhân 3 dak đah bôk nău “Bu ur doanh nhân n’hanh wăng sa uĕh nđĭr” ta Hà Nội. Kruanh Quốc hội Trần Thanh Mẫn lah rjăp, tâm nău hun hao 3 dak, nău tâm rnglăp, tâm boh dăch dêh oh nô, way ơm n’hanh kan ndrel lĕ rngôch đah 3 Đảng, Ngih dak, ƀon lan n’hanh bu ur 3 dak lah nkô̆ nău khlay đăp mpăn hun hao ta ăp dak n’hanh nkual.

Đảng n’hanh Ngih dak n’hanh ƀon lan Việt Nam uănh khlay mro, mât n’hanh ntrŭt tâm boh dăch dêh way ơm đah Đảng, Ngih dak, Nuĭh ƀon lan Lào n’hanh Campuchia. Kruanh Quốc hội răm rhơn saơ nău tâm boh way ơm bah 3 dak n’hanh Rmôt bu ur 3 dak nar lơ hun hao. Rmôt bu ur 3 dak lĕ geh âk nău ƀư tâm rgâl na nê̆ rgop n’hao tâm boh n’hanh ntrôl nău hun hao bah bu ur ta ăp dak, lơn lah nău ký ton n’hanh ƀư tĭng tâm ton kan ndrel lvang 2022-2027 đah ăp nkô̆ nău ngăn ngên, tâm di nău mpŏng ŭch bah bu ur n’hanh rmôt bu ur 3 dak.