Lơ 2/7, wa Phạm S, Groi Kruanh UBND n’gor Lâm Đồng mbơh, hŏ đă Công an lăp mêt uănh nau ân manh prăk, sŏk prăk kon âk tâm xã Lát, nkuăl Lạc Dương. Rơh rlau aơ, xã Lát, nkuăl Lạc Dương, n’gor Lâm Đồng dôl geh nau ân manh prăk, sŏk prakư kon âk, lơh khuch tât nau đăp mpăn, ƀư âk rnăk roh neh, roh ngih. Kơt lah wa Kơ Să Ka Thêm, tâm thôn Đạ Nghịt, Xã Lát. Yor ŭch prăk rklaih nau kan tâm rnăk vâl ri wa Ka Thêm manh tă bah du hê tâm nkuăl, đah rnoh 270 rkeh.

Ngăn lah wa knŭng geh ndơn 170 rkeh, rnoh prăk hôm e lah tơm ân manh nkŭp tâm prăk kon. Êng nê, wa hôm ndŏ săm ƀŭt ân dŏng neh bah rnăk nơm ân ma nŭih ân manh bu rnơm. Bol ma jêh nê wa Ka Thêm hŏ manh prăk ngân hàng gay ma trok lĕ prăk manh, tơm tơm ân manh nê mbơh ê lĕ rnon. Jêh nê, Ngih phat dôih nkuăl Lạc Dương đă păng trok tay ân tơm ân manh rnoh 4 rmen. Nau kan aơ hŏ geh wa Phạm S, Groi Kruanh UBND n’gor Lâm Đồng đă Công an nkuăl ndal lăp uănh ân rjăp, kloh./.