Lơ 2/7, ta nkuăl ƀon têh Cần Thơ, Kruanh Quốc hội Trần Thanh mẫn ndrel rmôt hăn kan hŏ tât khâl ndrel pah kan đah Quân khu 9. Quân khu 9 gŭ kan tâm 12 n’gor, nkuăl ƀon têh Đồng bằng sông Cửu Long, geh ntŭk kan khlay. Tâm nau dơi rklaih đăp mpăn, tahen ndrel ƀon lan Quân khu 9 hŏ geh ăp nau rgop têh ngăn tâm nau dơi bah rnoi mpôl. Ntoh nau tâm nar pah kan, Kruanh Quốc hội Trần Thanh Mẫn nkah, Quân khu 9 ân nsôih râng kơl an ƀom lan rklaih nau ji ngot, ach o, ndâk njêng ƀon lan mhe, hun hao văn hoá, rêh jêng, rdâng, rklaih nau khuch bah mih dak lip, srê ji, joi kơl an nau tât khuch.

Tâm rgop ma rmôt Công an, Biên phòng, ăp rmôt kan bah N’gâng kan geh nau tât ndrel n’gâng kan tâm nkuăl, nsôih njrăng, rdâng phung tih dôih, ndâk nkuăl đăp mpăn geh nsum ma rmôt đăp mpăn, nchrăp rdâng lơh ma ăp nau mhik, nau rlăm bah phung rlăng bah dih. Kruanh Quốc hội đă, Quân khu 9 vay kơl an tât nau rêh, nuih n’hâm bah cán bộ, tahen. Ƀư ân ueh nau kan kơl an, nŭih kơl an ân tahen./.