Ta rơh tâm ngơi, kruanh U Uôn Sích lah na nê̆ Quốc hội Hàn Quốc mbra tâm kơl kan na nê̆ ndrel đah Quốc hội Việt Nam kơl an chính phủ 2 dak tâm nău ƀư tĭng an geh săk rnglăy n’hanh na nê̆ Bôk nău pah kan mbơh tơih ta rơh tâm boh kan mhe n’hanh ntrôl tâm kơl kan mpeh rnă njrăng nău wăng sa, tâm rgop nuĭh kan.

Bar ding uănh năl nău tâm boh kan Việt Nam - Hàn Quốc lĕ hun hao ngăch, na nê̆ ta âk trong kan bâh ntơm 2 ding n’hao nău tâm boh kan lĕ rngôch, đah ăp nău geh ueh mpeh tăch rgâl, ntuh kơl, tâm nđur ƀon lan, tâm ban ŭch an geh n’hao răng dăng lơn tay nău tâm kơl kan đah Quốc hội 2 dak tâm let năp tay. Thủ tướng chính phủ Phạm Minh Chính đă Quốc hội  2 dak tâm kơl  na nê̆ mbơh tơih an săk rnglăy ăp nău tâm kơl kan 2 ding n’hanh âk ding, kơl an n’hanh mbơh tơih ăp nău kơl an ăp doanh nghiệp Việt Nam tât râng têh jru lơn ta rnoh pă an lam ntur neh bâh ăp doanh nghiệp Hàn Quốc.