Ôi 2/7, ta nkual ƀon têh Hưng Yen, Kruanh dak Tô Lâm n’hnah Mpôl Đại biểu Quốc hội n’gor Hưng Yên mâp nuĭh ƀon lan gay mbơh jêh Rơh rƀŭn tal 7, Quốc hội tal 15. Ntoh măt ăp nuĭh ƀon lan mbah rhơn Kruanh Tô Lâm lĕ dơi Đảng, Quốc hội nsing nơm jao an nău kan mhe, uănh lah mprêh ăp săk rnglăy ntoh lư bah năm kan tal 7 mhe, rnôk quốc hội lĕ lôch jêh ăp nău kan mpeh trong kan lập pháp,  nsrôih âk nău kan bah neh dak.

Kruanh dak Tô Lâm nkoch, nău dơi nsing nơm, mât nău kan mhe  lah nău lap, yơn lah nău têh khlay, nkoch nău ŭch rong dơi kơl, tâm rgâl râl, tâm rgop bah ăp nuĭh ƀon lan gay dơi lôch nău kan bah Kruanh dak, Lôch nău kan bah ăp nuĭh ƀon lan jao. Ta rơh mâp, Kruanh dak tâm nchră đah nuĭh ƀon lan mpeh âk nău na nê̆ kơt mbơh kloh rah wah tâm trong trong kan dăp rgum; m’hâm ƀư an geh tam, săk rnglăy trong kan njrăng n’gang rtoh ŭnh uănh sa, wơt kơl nuĭh rmanh; mpeh ăp nău jêr jŏt tâm trong kan mât uănh dak si n’hanh ndoh ndơ dak si n’hanh âk nău nuĭh ƀon lan mât uănh mbra dơi quốc hội uănh mĭn tay ta rơh rƀŭn tal 8 tât.