Kêng măng 19/4, Kruanh ban Nội chính Trung ương Phan Đình Trạc hŏ vơt wa Hạ Vinh-Kruanh n’gâng kan Tư pháp Trung Quốc, tât khâl ndrel pah kan ta Việt Nam. Kruanh Ban Nội chính Trung ương Phan Đình Trạc rnê prêh nau tă geh đah N’gâng jan Tư pháp bah bar dak tâm roeh rlau aơ. Lah rjăp, Việt Nam mro uănh khlay nau ƀư nâp ndrel hun hao tâm boh Việt Nam-Trung Quốc, mra ndrel đah Trung Quốc ƀư ueh nau kan mhe bah tâm boh bar dak, ƀư ueh nau ndơn saơ nsum gưl prêh.

Ăp nau ton lah nsum ndrel nau ƀư tâm boh hŏ tă ký ton đah bar ding, tâm nê geh nau kan tư pháp, pháp luật. Kruanh Ban Nội chính Trung ương Phan Đình Trạc đă bar ding n’hao nau tâm boh ăp nau tă dơi geh bah nau mĭn lý luận ndrel rgum lôch ăp nau kan tâm nau ndâk ngih dak pháp quyền xã hội chủ nghĩa, rgâl tư pháp, njrăg, rdâng sa khâm, nkân nau dơi, rdâng nau geh ƀư kan geh rgum nsum mô tâm di tâm nau ndâk pháp luật, kơl an ân nau kan bah bar Đảng, bar dak./.