Nkah gĭt 70 năm Lơh dơi Điện Biên Phủ, măng 2/5, ta ngih mprơ Hồ Gươm (Hà Nội), N’gâng kan Công an ƀư bôk nău nghệ thuật đah bôk nău: “Điện Biên Phủ-Mô dơi chuêl”. Rơh ƀok năp ta sân khấu Ngih mprơ Hồ Gươm, bơi 3000 nghệ sĩ, diễn viên, nhạc công râng ăp tác phẩm thanh nhạc n’hanh khí nhạc nchih mpeh Điện Biên Phủ bah ăp nhạc sĩ geh Giải nkhôm Hồ Chí Minh; Giải nkhôm Ngih dak mpeh Văn học Nghệ thuật.

Ăp tác phẩm dơi săch an ƀư tâm bôk nău lah ăp tác phẩm lĕ geh năm rêh n’hanh nău hôm e ndrel năm khay, n’glơi uĕh tâm lịch sử n’hanh hăn ndrel đah rnoi nuĭh. Nĕ lah ăp tác phẩm uĕh ngăn dơi an ndơ nkhôm ta Đại hội Văn công lam dak, rơh bôk năp (1954). Đah nkô̆ nău n’hanh nău khay lịch sử bah lơh dơi ta Điện Biên Phủ, bôk nău nghệ thuật aơ mpŏng ŭch tă bah âm nhạc, ƀư tay nău têh dăng lơh dơi n’hanh ăp nuĭh janh dăng lĕ roh bah taheh n’hanh ƀon lan he tâm rơh tâm lơh ta Điện Biên lịch sử