Kêng măng 20/11, ta ntŭk kan Kruanh dak, Kruanh dak Lương Cường geh nar vơt Kruanh Quốc hội Armenia Alen Simonyan tâm rnôk hăn khâl ngăn Việt Nam. Kruanh dak Lương Cường lah rjăp, Việt Nam mro uănh khlay nau tâm boh vay ơm ndrel tâm boh âk ntil đah Armenia, geh âk rơh rđau kan ndrel ƀon lan bar dak bun dăp ndrel ndâk. Gay ntrŭt dăng tâm boh bar dak lŏ hun hao lăp ngăn tâm nau rêh ndrel săk tam lơn.

Kruanh dak đă bar dak n’hao nau tâm mâp, tâm nchră rmôt kan tâm ăp gưl, ăp trong êng êng gay ndrel ƀư nâp nau tâm rnơm chính trị, ntrŭt dăng tâm boh văng sa, tăch rgâl, ntuh kơl; ntrŭt dăng tâm n’ur ƀon lan, tâm nchră mbơh nau ơm gay n’hao nau tâm gĭt rbăng nsum đah ƀon lan bar dak, ntrŭt dăng pâl n’aih, nthoi tâm nkuăl./.