Rơh tât khâl geh dŭt khlăy ngăn, lah njoat hăn  trong kan nchră nău đah dak bah dih bâh Đại hội Đảng tal 13, ntop ntrôl nău tâm rnglăp đah ăp dak kan  ndrel ASEAN, mpơl nău kơl kan nchră nău đah dak bah dih dơn ngoăy bâh Việt Nam uănh khlăy ta nău tâm boh kan dăch meng đah ăp dak  tâm rnglăp kan ndrel n’hanh dak kan ndrel đah Malaysia. Kơp bâh ntơm 2 ding n’hao nău tâm boh kan hao dak kan ndrel lĕ rngôch năm 2015, prăk geh tăch ndơ đah 2 dak hao bâh rlău 8 rmen đolar năm 2014 hao tât 14 rmen đolar ta năm 2022 n’hanh mpŏng tât rnoh prăk tăch ndơ an dak bah dih 2 ding geh 18 rmen đôlar tâm let năp tay. Rơh tât khâl geh ta năp rơh kahgĭt 10 năm tâm boh kan ndrel lĕ rngôch, Tổng Bí thư Tô Lâm nchrăp mbra ndrel đah ăp nuĭh leo kan gâl têh Malaysia tâm nchră mpeh nău ta lam ntur neh, ta nkual, hăn lăp jru tâm mbơh nău, uănh năl ăp trong kan, nău kan têh gay ma ntrôl tâm boh kan bar dak hao du nău mhe, đăp mpăn, ngăn ngên n’hanh săk rnglăy lơn tâm ba năp nơh.