Ôi 20/11, Groi Thủ tướng Trần Hồng Hà hŏ hăn tât ôp uănh rnoh ngăch ƀư trong gâl 4 mpeh trong nchrăp rdâk njêng trong cao tốc Châu Đốc-Cần Thơ-Sóc Trăng. Gâl 4 geh lĕ rngôch rnoh jong rlău 58km, lĕ rngôch tơm prăk ntuh kơl 12 rbăn rmen prăk. Ntơm bah rnôk an ƀư trong nchrăp kan tât aƀaơ hŏ n’gluh rlău 2.745 rmen prăk.

Êng trong nchrăp tơm prăk năm 2024 lah rlău 2.322 rmen prăk. Aƀaơ bôk năp hŏ lôch jêh ndơ̆ jao neh an ƀư trong. Tâm bah ri aơ nơh, n’gor Sóc Trăng hŏ rđău đă ăp nuĭh ndranh ƀư rgum an ƀư lĕ n’hâm suan an đăp mpăn rnoh ngăch. Lơn lah n’gor hŏ an ƀư rơh tâm rlong “15 nar măng ntrôl ngăch ƀư trong gâl 4 mpeh trong nchrăp ntuh kơl rdâk njêng trong cao tốc Châu Đốc - Cần Thơ - Sóc Trăng rơh bôk năp”. Ban mât uănh trong nchrăp 2 hŏ rđău  đă đơn vị ƀư n’hao âk nuĭh kan, ndơ dŏng kan tĭng ƀư “3 tơ̆ tơh 4 mpôl kan” ƀư lĕ ma nar rlu, nar tết gay đăp mpăn rnoh ngăch tĭng ăp rnoh nar đă.