Lơ 17/11, Groi kruanh Quốc hội-Thượng tướng Trần Quang Phương lĕ tât khâl, pah kan ta Công ty TNHH MTV Cà phê 15, nkuăl Cư M’gar, n’gor Dak Lak. Công ty TNHH MTV Cà phê 15, mpeh tâm Quân khu 5 aƀaơ mât chăm rlău 820 ha cà phê n’hanh 130 ha cao su. Dĭng lĕ geh năm aơ nklăp 150 rmen prăk, nău rêh bah nuĭh pah kan geh âk nău rgâl, prăk geh rĭng bôk nuĭh ăp khay du hê geh 9,2 rkeh prăk.

Ndrel đah nău kan wăng sa, công ty hôm râng tiăr nti, nchrăp rdâng lơh; njrăng n’gang trôk nar, joi kơl nău rmanh n’hanh njrăng n’gang nuh srê; nsrôih ntop kơl nuĭh rnoi mpôl đêt nkual nău nchrăp n’hŭch ach o nâp nâl; ndrel soan ndâk njêng thôn ƀon mhe ta ntŭk tahen gŭ. Ta nar pah kan, Groi Kruanh Quốc hội, Thượng tướng Trần Quang Phương ntĭm rđău Công ty mĭn kloh tay trong hun hao tâm lvang mhe; ƀư uĕh lơn tay trong ndâk njêng Đảng, ndâk njêng ntŭk kan nâp dăng lĕ rngôch “Ntrong leo ntoh lư”; ƀư uĕh trong kan rgŏ jă, ndrel soan ndâk ntŭk ntô têh ta miền Trung-Tây Nguyên.