Ôi nar 19/11 (tĭng mông ta ntŭk), ta Tâm nchră gưl têh G20 năm 2024 ta Rio de Janeiro, Brazil, Thủ tướng Phạm Minh Chính râng n’hanh geh nău lah ta rơh tâm nchră mpeh hun hao jŏ jong n’hanh rgâl ŭnh nar.  

Tâm nău lah  bah he, Thủ tướng Chính phủ Phạm Minh Chính lah rjăp tay trong nchrăp sŏng dăng mpeh hun hao jŏ jong n’hanh nău ton bah Việt Nam lah mô n’groh an nău đăp mpăn, rgâl mhe, geh nău tâm ban tâm nău rêh n’hanh mât njrăng ntŭk gŭ rêh ma trong tâm rlong hun hao wăng sa êng du ntil. Thủ tướng lah rjăp, ăp nău kan bah he aƀaơ mbra n’glêh an tât nău rêh rơh kơn bah kơi tay. Đah nău mĭn nê, Việt Nam ton mbra nsrôih lĕ n’hâm suan he nơm ndrel ăp dak, băl tâm boh, nsum mpôl lam ntŭr neh ton nsrôih tĭng ƀư rnoh tât mô hôm n’gluh n’huk bah năp năm 2050, rgop an nău hun hao bah du lam ntŭr neh srach, uĕh, jŏ jong, yor an nău rêh bah ăp rơh kơn bah kơi tay.