Xã Ea Ktur geh 8.500 rnăk, 38% rnoh nuĭh lah nuĭh rnoi đê̆ Rđe, Bunong, Thái, Tày, Nùng, Dao...ăp năm ba năp, bâh nău hun hao ăp ntil tơm công nghiệp kơt cà phê, tiu, sầu riêng...nău rêh bâh ƀon lan ăp nar lơ ma hơm răm, rnoh rnăk ach o hôm ba dâng 5%. Râng nar tâm mâp, Đại tướng Lương Tam Quang rhơn ăp nău dơi geh ma ƀon lan ăp mpôl rnoi ta Ea Ktur lĕ dơi geh tâm ăp năm ba năp. Kruanh n’gâng kan Công an ŭch tâm let năp tay ăp gâl ủy, n’gâng kan n’hanh ƀon lan xã Ea Ktur lah êng n’hanh Đăk Lăk lah nsum an geh tâm rlong, nsrôih ƀư lôch ta rnoh âk ta ăp nkô̆ mpŏng kan, nău mpŏng Nghị quyết đại hội đảng ăp gâl,  n’hao tay nău way ơm, soan dăng tâm rnglăp lĕ mpôl rnoi, rdâk njêng ƀon tơm neh dak ăp nar lơ ma têh ndrong, sâm geh.