Lôch geh rơh vơt na nê̆, Thủ tướng Chính phủ Phạm Minh Chính n’hanh Tổng thống Luis Abinader Corona ndrel đah mpôl đại biểu gâl têh 2 dak lĕ geh tâm nchră. Ta rơh tâm nchră, 2 ding tâm ban ŭch an geh ntrôl tay lơn nău kan ndrel, tâm mbơh gâl têh n’hanh ăp gâl, ta lĕ rngôch ăp kênh Đảng, Chính phủ, Quốc hội, tâm kơl kan ndrel đah ăp ntŭk n’hanh tâm nđur ƀon lan gay ma ndâk nsơm nău tâm boh kan chính trị, n’hao nău tâm gĭt vât ndrel, njêng nău kan nâp dăng gay ma pơk hvi n’hanh n’hao âk săk rnglăy tâm kơl kan bar ding. Tâm mbơh mpeh ăp nău ta nkual n’hanh lam ntur neh ndrel mât uănh, bar ding tâm ban ŭch kơl an nău doh rklaih ăp nău mô tâm ban, nău tâm pit ta lam ntur neh đah ăp trong kan mât đăp mpăn, ƀư tĭng luật pháp lam ntur neh, ngăn lah Hiến chương Liên hợp quốc n’hanh Công ước LHQ mpeh Luật dak lêng 1982.