Di nkah 42 năm nar nai ntĭm nti Việt Nam, kêng măng 20/11, ta Ngih kan Quốc hội, Kruanh Quốc hội Trần Thanh Mẫn mâp măt ntoh măt Quốc hội lah nai nti, cán bộ ƀư nau mât nau kan ntĭm nti. Ntoh măt Uỷ ban Rnâng kan Quốc hội, Kruanh Quốc hội Trần Thanh Mẫn ntoh nau lah ueh đah ăp kơn nŭih nai ntĭm nti, cán bộ mât nau kan ntĭm nti lah nsum, ăp ntoh măt Quốc hội dôl kan tâm nau kan ntĭm nti lah êng hŏ geh âk nau mhe tâm nau kan mât rong nŭih, rhơn ân nau kan ntĭm nti bah ngih dak nơm nar lơn hun hao.

Kruanh Quốc hội Trần Thanh Mẫn lah rjăp, đah nau nsôih, nau ŭch rong nau kan ndrel nau gĭt kloh ngăn, ăp ntoh măt Quốc hội lah nai ntĭm nti, tă ƀư nau kan mât nau ntĭm nti hŏ geh âk nau rgop têh tâm nau ndâk, ƀư jêh nau kan pháp luật, râng ntrŭnh ăp nau kan khlay, mêt uănh ƀư ueh nau kan, pháp luật mpeh nau kan ntĭm nti. Kruanh Quốc hội ŭch ăp nai ntĭm nti mro lah nŭih ang mpeh nau rêh, nau kan, nsôih rklaih nau jêr, nsôih ƀư nau kan, rŏng nau kan, ŭch rŏng kon se nti; mô rlu tâm ntĭm nti gay ma n’hao nau blau bah nơm./.