Ôi 20/11, UBND nkuăl ƀon têh Buôn Ma Thuột, n’gor Dak Lak ƀư nau mbơh xã Ea Kao geh tŏng dơi ƀon lan mhe n’hao prêh năm 2023. Jêh rlau 9 năm ƀư ndâk njêng ƀon lan mhe n’hao prêh, năm 2023 xã Ea Kao hŏ jêh 19/19 nkô̆ nau tŏng dơi ƀon lan mhe n’hao prêh tĭng nau ntrŭnh. Nau geh ndâk njêng ƀon lan mhe n’hao prêh bah xã geh ntoh kloh tâm ăp nau kơt: Nau rêh drăp ndơ, nuih n’hâm bah ƀon lan mô rlu geh n’hao, nau geh dơi bah bôk nŭih geh rlau 60 rkeh/năm.

Xã Ea Kao lah 1 tâm 4 xã bah nkuăl ƀon têh Buôn Ma Thuột geh kơp dơn xã tŏng dơi ƀon lan mhe n’hao prêh tâm rnôk aơ. N’hao rnoh xã ƀon lan mhe n’hao prêh bah nkuăl ƀon têh jêng 5 xã. Wa Vũ Văn Hưng, Kruanh UBND nkuăl ƀon têh Buôn Ma Thuột mbơh, nkuăl ƀon têh nsôih lôch năm 2024 mra geh 8/8 rnoh xã geh dơi ƀon lan mhe n’hao prêh ndrel du xã geh tŏng dơi ƀon lan mhe leo trong lor./.