Tât râng jrô nti geh 64 nghệ nhân n’hanh học viên nuĭh Rđe ta xã Ea Tu, nkuăl ƀon têh Buôn Ma Thuột. Ăp học viên geh ntĭm nti mpeh nău gĭt năl, mbơh rblang, săch gay ma mbơh tơih êng ăp ntil ndơ di sản văn hóa mpeh chĭng gong, nău tâm pât mprơ, ndơ uh mbuăt rlet mpôl rnoi nơm, dŏng kĩ thuật photovoice- ntŭk rêh jêng nkoch ăp nău nkoch mpeh nău ueh êng bâh nơm...Ndrel đah nău nti kơt mpeh lý thuyết, học viên geh hăn kan ngăn, gĭt vât nău ngăn ta ăp ƀon lan. Bâh nĕ kơl an ăp học viên n’hao nău khlăy di sản văn hóa way ơm ta ntŭk rêh jêng nơm, geh nău dơi njêng ăp ntil ndơ sŏk rup đah nkô̆ nău mbơh tơih n’hanh rup, nău ngơi nău nteh ueh lơn tĭng trong geh nkô̆ mpŏng kan na nê̆. Nkre lah, kơp dơn gĭt vât na nê̆ lơn mpeh nău khlăy, nău kan bâh di sản đah nău rêh jêng, leo kan dŏng trong kan Photovoice ta nău mbơh tơih, mbơh rblang, mât rbăy n’hanh mbơh tơih ăp nău khlăy mpeh di sản văn hóa mpôl rnoi ndrel đah hun hao pâl nđaih.