Ôi ntri (21/11), ta Ntŭk têl ơm yău gưl neh dak mha êng Jay nkông krŭng Buôn Ma Thuột, hŏ ƀư Lễ mpoh nhang nkah gĭt ăp tahen cách mạng khĭt ta Jay nkông krŭng Buôn Ma Thuột nkhêp nkah ndray 120 năm njêng n’gor Dak Lak (22/11/1904-22/11/2024) n’hanh 84 năm Nar njêng Đảng bộ n’gor (23/11/1940 – 23/11/2024).

Ta rơh lễ, ăp đại biểu ndrel nkah tay nău way ơm rnôk têh jêng n’hanh hun hao n’gor Dak Lak, an kao si, mpoh nhang, mpơl nkah gĭt ăp tahen cộng sản, ăp nuĭh tă gŭ ndrung chính trị ta Jay nkông krŭng Buôn Ma Thuột, ăp rơh kơn kruanh, cán bộ, tahen n’hanh ƀon lan ăp rnoi nuĭh n’gor Dak Lak hŏ mô kă rnam krit jêr, n’groh roh gay rdâk njêng n’hanh hun hao n’gor Dak Lak. Wa Lại Đức Đại, Groi Giám đốc Sở Văn hóa, Thể thao n’hanh Pâl nđaih Dak  Lak an gĭt, lễ mpoh nhang lah nău  kan way ăp năm dơi ƀư ta ntŭk têl ơm yău gưl neh dak mha êng Jay nkông krŭng Buôn Ma Thuột. Năm aơ, bôk nău kan lơn ma geh nkô̆ khlay ƀư di rnôk nkah ndray 120 năm Nar njêng n’gor, 84 năm Nar njêng Đảng bộ n’gor n’hanh rƀŏng tât ăp nar lễ têh bah neh dak./.