Ôi ntri (21/11), dơn nău jă bah Thủ tướng Malaysia, Tổng Bí Tô Lâm n’hanh I ur ndrel mpôl ntơh măt gưl têh dak he hŏ tât thủ đô Kuala Lumbur, ntơm hăn khâl ngăn Malaysia. Lôch ƀư wơt ngăn dơi ƀư rgum ta Nhih pah kan Thủ tướng Malaysia ta Thủ đô Kuala Lumpua, Tổng Bí thư Tô Lâm hŏ ôp srĭng nău đah Thủ tướng Malaysia.

Ta tâm nchră, bar kruanh rđău kan hŏ tâm mbơh nsum mpeh nô nău bah bar ding, tâm ôp jru n’hanh nchră ăp trong n’hao dăng ntrŭt ntrôl lơn đŏng tâm boh đah bar dak ta lĕ rngôch ăp trong kan nar lơn ma hun hao dăng, lam lĕ rngôch n’hanh nsĭt geh nău dơi lơn tâm let năp tay. Việt Nam ŭch rŏng ndrel Malaysia n’hao tâm boh nsing nơm n’hanh  tâm boh nsĭt geh nău dơi bar dak hao du kơn prêh mhe, ngăn ngăn lơn, tŏng đah ăp nău ŭch geh hun hao bah bar dak tâm rơh mhe; nsrôih uĕh n’hanh geh nău dơn kan ndrel Malaysia n’hanh ăp dak ASEAN rdâk njêng jâng wăng sa ASEAN tâm rnglăp, nâp dăng.