Ta rơh rƀŭn nchră, Tổng Bí thư Tô Lâm n’hanh Thủ tướng Malaysia an gĭt, 2 dak lĕ ntrŭnh n’hao nău tâm boh kan Việt Nam-Malaysia hao jêng dak kan ndrel lĕ rngôch. Bâh nĕ, mbra kơl 2 dak geh tay ndâk nsơm n’hanh n’hao nău tâm kơl tâm rnglăp, tâm knơm chính trị đah 2 dak bâh nău tâm ryơk luật pháp lam ntur neh, đăp mpăn, ƀư tơm lĕ rngôch nkual neh n’hanh trong kan chính trị, tâm di đah nău wăng sa- rêh jêng n’hanh pháp luật, ntrŭnh mbơh nău kan ta ntŭk kan ndrel lĕ rngôch geh n’hao nău tâm knơm n’hanh tâm kơl chính trị, mât rnă njrăng ngih dak, đăp mpăn, njêng nău tâm boh kan nâp dăng, ntop mât đăp mpăn ueh lăng , đăp mpăn an hun hao bâh n’hao mbơh nău kan, tâm kơl tay ta lĕ rngôch ăp gâl kan, ăp ntŭk kan, mbơh tơih săk rnglăy ăp trong kan nchră nău đah dak bah dih, tâm kơl ơm geh, nkre lah mĭn uănh njêng ăp nău kan an tâm di đah nău geh nsum, nău dơi bâh lĕ 2 ding ta rơh mhe.