Bah lơ 11 tât lơ 14/12 êp tât mbra ƀư Pơh Văn hóa-Pâl nđaih rơh tal 5 n’hanh Tâm nđŭr chĭng gong ăp rnoi mpôl đêt n’gor Kon Tum rơh tal 2. Đah bôk nău “Uănh ƀư ngăn văn hóa-Uănh joi ntŭk ntô geh ơm”, nău ƀư Văn hóa aơ geh âk nău ƀư uĕh. Ntoh lư lah Lễ hội trong nkual ƀon têh đah rlău 1.000 nghệ sỹ, nghệ nhân, kon hŏk râng; Tâm nđŭr chĭng, xoang đah bôk nău “Âm vang nhịp chiêng đại ngàn” geh rlău 600 nghệ nhân râng.

Di rơh aơ geh nău ƀư ntrŭt ngăch, mpla nsơ pâl nđaih, hăn uănh nsong, rlet rlău ƀư ngăn tuor, trong ntŭk pâl nđaih ta lam n’gor; tâm rlong ndơ sông sa pâl nđaih Kon Tum đah bôk nău “Tinh túy miền sơn cước”; mbơh dăp rgum nsum ndâk njêng nkual pâl nđaih Măng Đen tât năm 2045; uănh lah săk rnglăy kan hun hao pâl nđaih đah 3 n’gor mpeh bah dâng bah Lào, geh: Attapư, Sêkông n’hanh Salavan.