Ôi ntri (2/5), nkhêp nkah ndray 110 năm Nar deh Anh hùng Núp (2/5/1914-2/5/2024), kruanh rđău kan n’gor Gia Lai hŏ chŭn mbah n’hơr an kao si bah năp ndah rup Anh hùng Núp tâm jâng gung Bảo tàng n’gor Gia Lai n’hanh tât khâl rnăk Anh hùng Núp.
Mpôl pah kan bah kruanh rđău kan n’gor Gia Lai hŏ ƀư n’hơr nhang ta ntŭk mbah Wa Hồ (jâng gung Quảng trường Đại Đoàn Kết, nkual ƀon têh Pleiku). Lôch nê, mpôl hŏ n’hơr an kao si bah năp ndah rup Anh hùng Núp, Nuĭh kon ntoh lư bah rnoi nuĭh Bahnar, nuĭh ntĭt chrat ang an nuih n’hâm tâm rnglăp lam rnoi nuĭh tâm 2 rơh tâm lơh mprơh Prăng n’hanh lơh Mỹ n’hah tâm rơh rdâk njêng n’hanh mât njrăng neh dak jêh aơ tay. Mpôl hăn hŏ mpoh nhang nkah gĭt Anh hùng Núp ta ntŭk mbah bah rnăk wâl, ta hẻm 101, trong Phan Đình Phùng, nkual ƀon têh Pleiku, n’gor Gia Lai đŏng. Ta aơ, mpôl pah kan hŏ nkah gĭt ăp n’hâm suan têh kuâng bah Anh hùng Núp an cách mạng; rgŏ jă rơh kơn kon său Bok Núp nthoi tay n’hanh ntik n’hao nău way ơm./.
Viết bình luận